Այսօր Գիտությունների ազգային ակադեմիայի երկրաբանության ինստիտուտում կայացան տնօրենի ընտրություններ: Կար տնօրենի ընդամենը 2 թեկնածու՝ երկրաբանական գիտությունների թեկնածու, գործող տնօրեն Արկադի Կարախանյանը եւ հնէաբանության եւ շերտագրության լաբորատորիայի գիտաշխատող, երկրաբանական գիտությունների թեկնածու Հայկ Մելիք-Ադամյանը:
Ընտրությանն իրավունք ուներ մասնակցելու գիտանձնակազմը՝ 107 աշխատակիցներով. 107-ից մասնակցեց 80-ը: Գործող տնօրենը ձայների մեծամասնությամբ 2-րդ անգամ վերընտրվեց ինստիտուտի տնօրեն՝ 77 կողմ եւ 3 դեմ ձայներով: Իսկ մյուս թեկնածուն՝ Հայկ Մելիք-Ադամյանը, 3 կողմ եւ 77՝ դեմ ձայն հավաքեց:
Մինչ ընտրությունները կսկսվեին, «Aravot.am»-ի հետ զրույցում պարտված թեկնածուն ասաց, որ առանձնապես մեծ ակնկալիքներ չունի եւ վստահ է, որ շատ ձայներ չի էլ հավաքելու: Ըստ Հայկ Մելիք-Ադամյանի, ընտրողները կաշկանդված են եւ վախեցած:
Կարդացեք նաև
Երկրաբանության ինստիտուտի տնօրենի ընտրությունների մասին մանրամասները կարդացեք տպագիր «Առավոտի» առաջիկա համարներից մեկում:
Նելլի ԲԱԲԱՅԱՆ
