Ռուսաստանի նախագահ Վլադիմիր Պուտինը ասել է, թե Մոսկվայի Քրիստոս Ամենափրկիչ տաճարում խուլիգանություն անելու համար ձերբակալված Pussy Riot փանք խմբի անդամ երեք կանայք չպետք է խիստ պատիժ ստանան: Այդ մասին հաղորդում են ռուսաստանյան լրատվամիջոցները։
Լոնդոնում լրագրողների հետ զրույցի ժամանակ Ռուսաստանի նախագահը հույս է հայտնել, որ դատարանը ճիշտ որոշում կկայացնի:
Pussy Riot փանք խմբի անդամներ Նադեժդա Տոլոկոննիկովային, Մարիա Ալյոխինային եւ Եկատերինա Սամուցեւիչին դատում են իրենց հեղինակած «Մարիամ Աստվածածին, վռնդիր Պուտինին» երգը Ռուսաստանի մայրաքաղաքի Քրիստոս Ամենափրկիչ տաճարում կատարելու համար:
Խմբի անդամներին սպառնում է մինչեւ 7 տարվա ազատազրկում:
Կարդացեք նաև
«Ազատություն» ռադիոկայան
