«Վերընտրված նախագահին շնորհավորել են ԱՄՆ նախագահը, Ֆրանսիայի, ՌԴ-ի նախագահները եւ շատ այլ պատկառելի այրեր: Այնպես որ, մենք բարդույթավորված չենք դրանից: Խնդիր չկա»,- Aravot.am-ի հարցին` ՀՀԿ-ում ինչպե՞ս են ընկալում այն իրողությունը, որ «Բարգավաճ Հայաստան» կուսակցության ղեկավար Գագիկ Ծառուկյանը մինչ օրս չի շնորհավորել Սերժ Սարգսյանին` վերընտրության առիթով, ասաց ՀՀԿ մամուլի խոսնակ, ԱԺ փոխնախագահ Էդուարդ Շարմազանովը:
Պարոն Շարմազանովը, ի հեճուկս Սերժ Սարգսյանի հաղթանակը չընդունողների, հիշեցնում է, որ «հանրության 59 տոկոսն է ձայն տվել Սերժ Սարգսյանին»:
Իսկ թե ի՞ նչ կեցվածք է պատրաստվում որդեգրել ՀՀԿ-ն այն բանից հետո, որ դադարեցնելով ծոմապահությունը՝ «Ժառանգության» առաջնորդ Րաֆֆի Հովհաննիսյանը ոչ թե «թուղթ ու գրիչով» գնաց նախագահական նստավայր, այլ կրկին մեկնեց մարզեր` կարդացեք վաղվա տպագիր «Առավոտում»:
Նելլի ԳՐԻԳՈՐՅԱՆ
