Ակնաբուժ, «Լուսածին աչքի միկրովիրաբուժական կլինիկայի» տնօրենը պրոֆեսոր Մանուկ Մանուկյանը քիմիական այրվածքները շատ արագ բժշկող քսուկ է ստեղծել:
Պարոն Մանուկյանն այսօր «Արմատ» ակումբում ասաց, որ այդ բացառիկ բժշկող դեղամիջոցի գյուտը արդեն հաստատվել է Մոսկվայի ռազմա- բժշկական ակադեմիայի ու միջազգային այլ ակադեմիաների կողմից:
«Նախապես ուսումնասիրել եմ քիմիական երկու տեսակի այրվածք, որոնք առաջանում են ճագարների մոտ, դեղամիջոցը սկսզբում ճագարների մոտ փորձարկեցի եւ հաջողության հասա»,-ասաց պրոֆեսորը:
Նրա խոսքերով, ինքը բժշկող այդ նյութի մասին զեկուցումներ է ներկայացրել տարբեր միջազգային կազմակերպություններում եւ այդ կազմակերպություններն էլ են հաստատել իր ստեղծած դեղամիջոցի բացառիկությունը. «Որ այսօր դա հենց այն դեղամիջոցն է, որը համարվում է միակը քիմիական այրվածքների բուժման համար»:
Կարդացեք նաև
Պրոֆեսորը վստահեցրեց, որ քսուկն օգնում է վերականգնել այրված հյուսվածքը. «Քսուկի հիմքում մոնոեթալոնամինն է, որը երկու ամսում հնարավորություն է ընձեռում լրիվ վերականգնել վնասված հյուսվածքները»:
Արփինե ՍԻՄՈՆՅԱՆ
