Մանկաբույժ Էլմիրա Մինասովայի խոսքերով՝ երեխաները պետք է պրոֆիլակտիկ պատվաստումներ ստանան հենց ծննդատանը:«Առաջին պատվաստումը, որ նրանք պետք է ստանան ՝ վիրուսային հեպատիտի դեմ պետք է լինի: Որպես 42 տարվա փորձ ունեցող մանկաբույժ, կարող եմ ասել , որ անցյալում վիրուսային հեպատիտ B-ով ամսեկան մոտ 10-15 երեխա էր հիվանդանում: Ներկայումս, երբ երեխաները ստանում են այդ պատվաստումները, նման հիվանդության դեպքեր վերջին 4-5 տարիներին ընդհանրապես չի գրանցվել»:
Մանկաբույժի խոսքերով, պատվաստումներից ստացած օգուտը այնքան մեծ է, որ եթե անգամ պատվաստվելուց հետո որեւէ ռեակցիա էլ առաջանա, իսկ ռեակցիան չի բացառվում, ապա դա միայն դրական արդյունք կտա:
«Ես չեմ տեսել իմ պրակտիկայի ընթացքում մի երեխայի, որի վրա պատվաստումը վատ հետեւանքներ ունենա, եթե անգամ բացասական ռեակցիա էլ եղել է, ապա այն եղել է տաքության տեսքով, կամ մի փոքր ոտքն է ձգվել»:
Տիկին Մինասովայի խոսքերով, շատ քիչ են այն մայրերը, որոնք հրաժարվում են իրենց երեխայի պատվաստումից:
Կարդացեք նաև
Հոգեբան Լաուրա Ավետիսյանը մայրերի՝ պատվաստումից հրաժարվելը բացատրում է նրանով, որ հայ մայրերի մոտ պաշտպանական մեխանիզմը շատ ուժեղ է զարգացած, եւ այն երբեմն ոչ թե օգնում է, այլ սկսում է խանգարել, եւ տալիս է հակառակ արդյունք:«Միշտ մայրերը շատ են սիրում ինքնուրույն որոշումներ կատարել՝ առանց տեղեկացված լինելու: Եթե անգամ եղել են բացասական հետեւանքներ, ապա դա չի նշանակում որ այն պետք է տարածվի բոլորի վրա: Պետք է ընդամենը տեղեկացվածությունը բարձրացնել եւ բժիշկներն էլ պետք է հոգեբանորեն ճիշտ բացատրեն ծնողներին, որ պատվաստումը ոչ մի վնաս չունի»:
Էլյա ՀՈՎՀԱՆՆԻՍՅԱՆ
