ՀՀ պաշտպանության նախարարի մամուլի քարտուղար Արծրուն Հովհաննիսյանը հայտնում է. «ՀՀ ԶՈւ երի ստորաբաժանումները ելնելով միջազգային մարդասիրական նորմերից, թույլատրել են ադրբեջանական կողմին հանել դիվերսանտներից մեկի դիակը»:
Հիշեցնենք, որ երեկ նա հաղորդել էր Տավուշում դիվերսիոն փորձի մասին ու հավելել. «Հակառակորդի դիվերսանտներից մեկի դիակը գտնվում է միջդիրքային տարածքում: Հայկական կողմից զոհվել է 80 տարեկան հովիվ»:
Այսօր ավելի վաղ Արծրուն Հովհաննիսյանը տեղեկացրել էր ֆեյսբուքյան գրառմամբ. «Տավուշում տեղի ունեցած դեպքից հետո որոշ ժամանակ շարունակվում էր լարվածությունը: Հայկական ստորաբաժանումները արժանի հակահարված են տվել բոլոր կրակոցներին: ՀՀ ԶՈւ երի ստորաբաժանումները ելնելով միջազգային մարդասիրական նորմերից թույլատրել են ադրբեջանական կողմին միջդիրքային տարածքից հանել դիվերսանտներից մեկի դիակը»:
