Ալաշկերտցի 11 թունավորված երեխաներից այս պահին միայն մեկ երեխա է մնացել հիվանդանոցում: Փոքրիկի վիճակը գնահատվում է միջին ծանրության: Այս մասին Aravot.am-ին ասացին առողջապահության նախարարությունից: Ըստ նախարարության լրատվական ծառայության, մնացած 10 երեխաները լավացումով դուրս են գրվել:
Թունավորման պատճառներն առայժմ պարզ չեն, դեռ ուսումնասիրվում են վարկածները:
Հիշեցնենք, որ մայիսի 8-ից 10-ը Արմավիրի բժշկական կենտրոնի ինֆեկցիոն բաժանմունք է հոսպիտալացվել 6 երեխա՝ Արմավիրի մարզի Ալաշկերտ համայնքից, հետո եւս 5 թունավորված երեխան են հայտնաբերել առողջապահության նախարարության հիվանդությունների վերահսկման եւ կանխարգելման ազգային կենտրոնի մասնագետները:
Բոլորի մոտ նույն ախտանշաններն են եղել՝ լուծ, փսխում, ջերմություն, ընդհանուր թուլություն:
Կարդացեք նաև
Նելլի ԲԱԲԱՅԱՆ
