«Gallup International» ասոցիացիայի հայաստանյան ներկայացուցչությունը 2015 թվականի մայիսի 5-13 հարցում է անցկացրել 1105 քաղաքացիների շրջանում: Հուլիսի 24-ին ասոցիացիայի ներկայացուցչության տնօրեն Արամ Նավասարդյանը ներկայացրեց հարցման արդյունքները:
Ըստ այդմ՝ հարցվածների միայն 7 տոկոսն է բավարարված իր կյանքով, 44 տոկոսն ավելի շուտ բավարարված է, 37 տոկոսը ավելի շուտ բավարարված չէ եւ 16 տոկոսն ընդհանրապես բավարարված չէ: «Gallup International» ասոցիացիայի հայաստանյան ներկայացուցչությունը խնդրել է հարցվածներին գնահատել ՀՀ կառավարության եւ Ազգային ժողովի աշխատանքը, 25 տոկոսը նշել է, որ նախագահին ավելի շուտ հավանություն է տալիս, 7 տոկոսը լիովին հավանություն է տալիս, կառավարության աշխատանքին 18 տոկոսն է ավելի շուտ հավանություն տալիս, իսկ լիովին հավանություն է տալիս 2 տոկոսը, իսկ Ազգային ժողովին 17 տոկոսը հավանություն է տալիս, իսկ 2 տոկոսը լիովին հավանություն է տալիս:
Ասոցիացիան ներառել է նաեւ հարցեր Սահմանադրության մասին:
Հարցին, թե տեղյակ են՝ ներկա Սահմանադրության համաձայն կառավարության ի՞նչ ձեւ է Հայաստանի Հանրապետությունում, 26 տոկոսը նշել է, որ տեղյակ չէ, իսկ 74 տոկոսը պատասխանել է, որ տեղյակ է: Վերջիններից հետաքրքրվել են, թե ներկա Սահմանադրության համաձայն՝ ինչպիսի՞ կառավարման ձեւ է Հայաստանի Հանրապետությունում, 40 տոկոսը պատասխանել է՝ կիսանախագահական, 11 տոկոսը՝ խորհրդարանական եւ 49 տոկոսը՝ նախագահական:
Կարդացեք նաև
Հարցվածների 45 տոկոսը պատասխանել է, թե տեղյակ է Սահմանադրական բարեփոխումների մասին, 51 տոկոսը՝ տեղյակ չէ, իսկ 5 տոկոսը դժվարացել է պատասխանել:
Հարցին, թե ըստ Ձեզ, Հայաստանի Հանրապետությունում կա՞ սահմանադրական բարեփոխումներ իրականացնելու անհրաժեշտություն, 46 տոկոսը պատասխանել է՝ այո, 38 տոկոսը՝ ոչ, իսկ 18 տոկոսը դժվարացել է պատասխանել:
Ամի ՉԻՉԱԿՅԱՆ
Չեմ հասկանում, սա ի՞նչ նորույթ է, սոցիոլոգիայի մեջ ,,ավելի շուտ,, բառակապակցություն են ներմուծե՞լ: Շատ ծիծաղելի է: