Ռուբեն Աղուզումցյանի կարծիքով՝ զորավարժանքները ավելի վաղ էր պետք անել
Զորավարժանքների կարեւորությունը հոգեբանական տեսանկյունից շատ մեծ է: Սեպտեմբերի 11-ին «Սպուտնիկ Արմենիա» մամուլի ակումբում լրագրողների հետ հանդիպման ընթացքում ասաց Կառավարման պետական ակադեմիայի Կառավարման հոգեբանություն ամբիոնի վարիչ Ռուբեն Աղուզումցյանը:
«Զորավարժությունը անպայման չէ, որ կապված լինի պատերազմի հետ: Զորավարժությունները շատ լավ ստուգում են վիճակը, սխալները, բացթողումները, որոնց շտկումն, իհարկե՛, ավելի հզորացնում է: Այդ առումով՝ ինձ թվում է, որ մենք ուշացել ենք, ավելի վաղ էր պետք անել: Բացի դրանից՝ ինձ թվում է, որ պետության, կառավարության կողմից անպայման պետք է, որ այդ զորավարժանքները անցկացվեն ոչ միայն սպասեն, որ պետությունը պատրաստ լինի, այլ դա պետք է լինի բոլոր հիմնարկներում, որպեսզի ստուգվի»,- ասաց նա:
Ռուբեն Աղուզումցյանը նշեց, որ զանգվածային երեւույթներն առանձնահատկություն ունեն՝ ավելի հեշտ է խուճապ առաջացնել մի քանի հարյուր հոգու միջեւ, քան մի քանի: Եվ դրանք բերում են նրան, որ գիտակցական ոլորտը կարող է արգելակվել եւ մարդը սկսի կառավարվել բնազդներով: Ըստ նրա, այդ զորավարժանքները անհրաժեշտ են, որ մարդկանց մոտ խուճապ չառաջանա եւ նրանք պատրաստ լինեն:
Կարդացեք նաև
«Այստեղ իմ կարծիքով նաեւ զանգվածային լրատվամիջոցների ստուգում է գնում, որովհետեւ զանգվածային լրատվամիջոցներն են հիմնականում տեղեկատվություն տվողները: Եվ կախված զանգվածային լրատվամիջոցների որակից եւ պատրաստակամությունից, լրագրողների որակից կախված է այդ հոգեբանական վիճակը, որը կարող է բնակչության մոտ առաջանալ, ինչպիսին կարող է լինել»,- ասաց նա:
Ամի ՉԻՉԱԿՅԱՆ
