Հալաբյան փողոցում պայթած ավտոբուսի տուժածներից հղի Անուշ Եղիկյանը տեղափոխվել է Պերինատոլոգիայի, մանկաբարձության եւ գինեկոլոգիայի ինստիտուտ՝ հանրապետական ծննդատուն: Ծննդատան ղեկավար Ռազմիկ Աբրահամյանն ասաց, որ հղիին տեղափոխել են իրենց մոտ, քանի որ հղիությունը պահպանելու խնդիր կա:
Աբրահամյանն ասաց, որ Անուշ Եղիկյանի մոտ 5 ամսական հղիություն է, նա ունի մեկ երեխա:
Բժշկի խոսքերով՝ «Ճիշտ է, նա ունեցել է թոքերի սալջարդ, բայց նրա հղիությունը պահպանելու եւ մասնագիտական բուժօգնություն ստանալու համար տեղափոխեցինք այստեղ, նա պետք է ստանա նեղ մասնագիտական բուժում: Հիմա վիճակը բավարար է երեկվա համեմատ: Նա արյունազեղումներ, սալջարդեր ունի, դրանք երկրորդային են, քան նրա հղիության պահպանման հարցը: Պտուղն այս պահին չի տուժել, բայց հետագա բարդությունները կանխարգելելու համար պետք է բուժում ստանա»:
Մանրամասն՝ տեսանյութում
Կարդացեք նաև
Ռազմիկ Աբրահամյանն ասաց, որ այս պահին հնարավոր է հղիի մոտ ոչ մի բան չլինի, բայց հետսթրեսային վիճակը վիժեցման հանգեցնի, այս պահին էլ նրա մոտ վիժման նշաններ կան:
Մանրամասն՝ տեսանյութում
Անուշ Եղիկյանի հետ չհաջողվեց զրուցել, նրա ինքնազգացողությունը լավ չէր:
Հիշեցնենք, որ երեկ երեկոյան Հալաբյան փողոցում ավտոբուսի պայթյունի վարկած էին առաջ քաշում ահաբեկչությունը, ինչն այսօր պաշտոնապես հերքվեց:
Նելլի ԲԱԲԱՅԱՆ
