Ինչպես արդեն հայտնել էինք, օգոստոսի 8-ին պետք է տեղի ունենար «Սասնա ծռեր» խմբավորման անդամ Հովհաննես Հարությունյանի կալանքի բողոքարկման գործով առաջին դատական նիստը:
Սակայն, նրա պաշտպան Արայիկ Պապիկյանը Aravot.am-ին հայտնեց, որ դատական նիստը հետաձգվել է. «Հովհաննեսը դիմում էր ներկայացրել՝ դատական նիստին ներկա գտնվելու, դատավորը քննեց եւ դիմումը բավարարեց: Դատական նիստը հետաձգվեց, որպեսզի Հովհաննես Հարությունյանի մասնակցությունը դատական նիստին ապահովվի»:
Նա մեզ տեղեկացրեց, որ դատական նիստը կշարունակվի վաղը՝ Վերաքննիչ քրեական դատարանում. «Հովհաննեսը գտնվում է դատապարտյալների հիվանդանոցում: Վաղն իրեն պետք է բերեն դատարան: Ինքը ոտքերին հրազենային վնասվածքներ ունի, չի կարող քայլել, ցավոք սրտի, բայց ամեն դեպքում, բժիշկների ուղեկցությամբ իրեն կբերեն»:
Ամի ՉԻՉԱԿՅԱՆ
Կարդացեք նաև