Երևան քաղաքի առաջին ատյանի ընդհանուր իրավասության դատարանի դահլիճում ԲՀԿ առաջնորդ Գագիկ Ծառուկյանն ասաց, որ բոլորը գիտեն, որ ինքն ամեն ինչ ճիշտ է ասում և որևէ ստորակետ չի խեղաթյուրում: Մոր՝ Ռոզա Ծառուկյանի մասին խոսելիս՝ ԲՀԿ առաջնորդը հուզվեց: «Բոլոր փուչիկները ի վերջո տրաքելու են, սուտ խոսողները պատասխանատվության են ենթարկվելու, կարևորը խիղճս հանգիստ է, ուժս տեղն է, խելքս տեղն է, ինչ որոշեք, ես պատրաստ եմ, կարևորը ձեր խղճի և Աստծո առաջ ճիշտ որոշում կայացնեք»,- ասաց Գագիկ Ծառուկյանը՝ դիմելով դատարան:
Ծառուկյանը բորբոքվեց, երբ տուժողի ներկայացուցիչը նրան ներկայացրեց որպես կազմակերպիչ. «Փաստաբանը պետք է հիմնավորված խոսի, դատարկ-դատարկ դուրս չտա»: Դատարանում կրքերը մի պահ լարվեցին:
Կարդացեք նաև
Տուժողի ներկայացուցիչն, ի թիվս այլնի, ասաց, որ վարույթն իրականացնող մարմնին ներկայացվել են ապացույցներ, որոնք առերևույթ կեղծ են, նաև ասաց, որ կա դրվագ, երբ Գագիկ Ծառուկյանը սպառնում է: Ծառուկյանի պաշտպանն ասաց, որ իրենք էլ տուժողի մասին բավականին բան գիտեն, բայց չեն հրապարակում: Տուժողի ներկայացուցիչը միջնորդեց կալանքի ժամկետը երկարացնել:
Հիշեցնենք, որ Գագիկ Ծառուկյանը կալանավորվել է 2026 թ. հուլիսի 7-ին։ Նրան մեղադրանք էր առաջադրվել առանձնապես խոշոր չափերով խարդախության և փողերի լվացման համար, հետագայում նրան վերագրվող արարքներին ավելացել էր նաև հարկերից խուսափելու մեղադրանքը։ Երևան քաղաքի առաջին ատյանի ընդհանուր իրավասության քրեական դատարանը սեպտեմբերի 4-ին երկու ամսով երկարաձգել էր «Բարգավաճ Հայաստան» կուսակցության նախագահ, գործարար Գագիկ Ծառուկյանի կալանքի ժամկետը։
Դատական նիստն ամբողջությամբ
Գոհար ՀԱԿՈԲՅԱՆ
