Մայիսի 1-ի` Աշխատանքի օրվա կապակցությամբ Աժ աշխատանքի և սոցիալական հարցերի մշտական հանձնաժողովի և ՀՀ աշխատանքի և սոցիալական հարցերի նախարարության նախաձեռնությամբ կայացել է հանդիպում -քննարկում՝ «Աշխատանքային իրավունքի իմացությունն արժատապատիվ աշխատանքի երաշխիք» թեմայով։
Միջոցառմանը ներկա են գտնվել ԱՍՀ նախարարի տեղակալ Ռուբեն Սարգսյանը, ԱԺ աշխատանքի և սոցիալական հարցերի մշտական հանձնաժողովի նախագահ Հերիքնազ Տիգրանյանը, հանձնաժողովի անդամները, Առողջապահական և աշխատանքի տեսչական մարմնի ղեկավար Հակոբ Ավագյանը, Հայաստանի արհմիությունների կոնֆեդերացիայի նախագահի տեղակալ Բորիս Խաչատրյանը։
Հանդիպում–քննարկմանն իրենց մասնակցությունն են ունեցել ՄԿՈՒ հաստատությունների և բուհերի ուսանողները, Կարիերայի կենտրոնների պատասխանատուները, Վորլդ Վիժըն-Հայաստան կազմակերպության մարզային ակտիվ երիտասարդները։ Միջոցառման նպատակն էր ապահովել երիտասարդների իրազեկվածությունն՝ աշխատանքային իրավունքի և գործատու-աշխատող իրավահարաբերությունների, արհմիությունների մասին։ Պանելային քննարկումից հետո մասնակիցներն իրենց հետաքրքրող հարցերն են ուղղել բանախոսներին։
Կարևորելով աշխատանքի նկատմամբ վերաբերմունքի ձևավորումը դեռևս ուսումնառության շրջանում՝ պայմանավորվածություն է ձեռք բերվել շարունակել իրազեկման այս ձևաչափով հանդիպումները։
Կարդացեք նաև
Միջոցառումը կայացել է Ֆրիդրիխ Էրբերտ հիմնադրամի աջակցությամբ։
«Քաղաքացիական պայմանագիր» խմբակցություն
