«Հայրենիք» կուսակցության խորհրդի անդամ Արսեն Բաբայանն, Aravot.am-ի հետ զրույցում անդրադառնալով վարչապետի օգնական Աննա Վարդապետյանին գլխավոր դատախազի թեկնածու առաջադրելուն, ասաց․ «Մեզ սպասվում է իրավական համակարգի ամբողջական ոչնչացում։
Դրանից առաջ էլ կարծիք էի հայտնել, որ Նիկոլ Փաշինյանն ատում է պետությունն ու պետական համակարգը, հնարավոր չէ այլ կերպ փչացնել պետությունն ու պետական համակարգը, քան 36 տարեկան մի աղջկա, որը երբևէ ո՛չ դատախազ, ո՛չ քննիչ , ո՛չ իրավապահ մարմնում, լավ ինչ-որ դատարանում աշխատել է դատավոր օգնական կամ խորհրդական, բերել ու էս աղջկան նշանակել գլխավոր դատախա՞զ․․․ Սա իրավապահ համակարգը ոչնչացնելու դասական օրինակ է։
Դժվար է նստել ու մտածել, թե էլ ինչպես փչացնել պետական ամենակարևոր կառույցներից մեկը։ Երևի թե Դավթյան Արթուրին պիտի շնորհակալություն հայտնենք, որ գոնե էս մարդը դատախազ է աշխատել, գոնե գիտեր իր գործը՝ իր բոլոր թերություններով հանդերձ։
Ընդ որում ասեմ, Աննան Վարդապետյանը վատ մասնագետ չէ, լավ տեսաբան է, շատ լավ քրեական իրավունքի մասնագետ է, բայց դատախազ չէ և իրեն նշանակել դատախազ, դա կնշանակի ամբողջ դատախազությունն ու իրավապահ համակարգի ոչնչացում սկզբից, տեսնենք ինչ կլինի»,-ասաց Արսեն Բաբայանը։
Կարդացեք նաև
Նունե ԱՐԵՎՇԱՏՅԱՆ
