Aravot.am-ը ԿԳՄՍ նախարար Ժաննա Անդրեասյանին հարցեր էր ուղղել: Մասնավորապես հետաքրքրվել էինք՝ թե որպես Մաշտոցյան Մատենադարանի հոգաբարձուների խորհրդի նախագահ ինչպե՞ս է վերաբերվում Մատենադարանի տնօրեն Արա Խզմալյանի կողմից՝ Ձեռագրերի կրկնօրինակման բաժինը լուծարելուն, նրա սկսած կադրային ջարդին:
ԿԳՄՍ նախարարությունից փոխանցեցին տիկին Անդրեասյանի հետեւյալ պատասխանը, որտեղ կադրային ջարդի մասին որեւէ նախադասություն չկա. «Հոգաբարձուների խորհրդի կողմից հաստատվել է Մ. Մաշտոցի անվան Մատենադարան գիտահետազոտական ինստիտուտի գործունեության արդյունավետության բարձրացման և զարգացման ծրագիրը, որով նախատեսվում է նաև կառուցվածքային որոշակի փոփոխություն: Մյուս հարցերը գտնվում են Մատենադարանի տնօրինության իրավասության եւ լիազորությունների շրջանակում»:
Ի դեպ, Մատենադարանի տնօրեն Արա Խզմալյանը, որը տնօրեն է դարձել ընտրություններից առաջ Մատենադարանի հոգաբարձուների խորհրդի կազմը փոխելու եւ Մատենադարանի տնօրենին ներկայացվող պահանջների նշաձողը իջեցվելու արդյունքում, Aravot.am-ին ասել է, որ գործել է օրենքի տառին համապատասխան եւ իր լիազորությունների շրջանակում:
Կարդացեք նաև
Գոհար ՀԱԿՈԲՅԱՆ
«— Мы к вам, профессор, вот по какому делу! Мы, управление нашего дома, пришли к вам после общего собрания жильцов нашего дома, на котором стоял вопрос об уплотнении квартир дома!» Բուլգակով, Շան սիրտը
Վերևի հոդվածում գործող անձինք.
Շվոնդեր – Ժաննա Անդրեասյան
Շարիկով – Արա Խզմալյան