«Ես հայտարարել եմ՝ ես եւ իմ թիմակիցները նպատակ չունենք իշխանության գալու։ Մեր նպատակը իշխանափոխությունն է»,- դատարանի մոտ, լրագրողների հետ զրույցում ասաց ՀՀ երրորդ նախագահ Սերժ Սարգսյանը։
Լրագրողներից մեկը հարցրել էր՝ ՀՀ երկրորդ նախագահ Ռոբերտ Քոչարյանի եւ իր միջեւ հակասություննե՞րն են ավելի շատ եւ մեծ, թե՞ ցանկությունը՝ իշխանությունից Նիկոլ Փաշինյանին հեռացնելու Նիկոլ Փաշինյանին․ ինչո՞ւ այս հարցի շուրջ տեւական ժամանակ ընդհանուր հայտարար չի ձեւավորվում։
«Եթե անձնապես եք ուզում՝ ես երկու կարեւոր նպատակ եմ տեսնում ինձ համար՝ իշխանափոխություն եւ իմ ընկերների վերադարձը Բաքվի բանտերից։ Ես ուրիշ ոչ մի բան չեմ ուզում։ Ով ինչ ուզում է, թող ամբողջովին վերցնի»,- հայտարարեց Սերժ Սարգսյանը։
Հարցին՝ եթե վարչապետի թեկնածուն լինի Ռոբերտ Քոչարյանի թիմից կամ հենց Ռոբերտ Քոչարյանը, ինչպե՞ս կվերաբերվեն, Սերժ Սարգսյանը պատասխանեց. «Մենք ասել ենք՝ այո։ Այո։ Ով ուզում է գա»։
Կարդացեք նաև
Հայաստանում իշխանափոխության հարցում դրսի ուժերի աջակցության մասին հարցին էլ նախագահ Սարգսյանը պատասխանեց․ «Այո, դրսի ուժերի օժանդակությունը շատ կարեւոր է, բայց այսօր չեմ տեսնում այդ օժանդակությունը այն չափով, որ բավարար լինի։ Բայց վստահ եմ, եթե մենք մեր ուժերի ամբողջ լարվածությամբ մտնենք պայքարի մեջ, միաժամանակ կգտնվեն նաեւ տարբեր աշխարհամասերում, տարբեր տեղերում ուժեր, մարդիկ, ովքեր կսատարեն այդ շարժումը»։
Մանրամասները՝ տեսանյութում
ՀԱԿ-ի եւ Լեւոն Տեր-Պետրոսյանի հետ ՀՀԿ-ի հնարավոր միավորման մասին հարցին էլ Սերժ Սարգսյանը պատասխանեց՝ առաջարկելով՝ հանգիստ թողնել Տեր-Պետրոսյանին, նա 80 տարեկան է արդեն։ Հիշեցրեց, որ Տեր-Պետրոսյանը քանիցս միավորման հրապարակային առաջարկներ է հնչեցրել, եթե ինքը ցանկանար՝ կմիավորվեր։
Մանրամասները՝ տեսանյութում
Նելլի ԳՐԻԳՈՐՅԱՆ
Լուսանկարում՝ 2012-ի մայիսի 8-ի շքերթը Ստեփանակերտում
