-Փաշինյանի ուղերձը մեզ փոխանցեց այն փաստը, ինչի մասին ինքը խոսում էր երկու մարդու որոշում էր՝ Բաքվի բռնապետ եւ Փաշինյան: Նստել եւ որոշել են մեր իրավունքների սահմանը, մեր երազանքներն ու նպատակները,- այսօր Երեւանի առաջին ատյանի ընդհանուր իրավասության դատարանի Շենգավիթ նստավայրում Բագրատ սրբազանի գործով դատական նիստից առաջ լրագրողներին ասաց Արցախի հանրապետության խորհրդարանի պատգամավոր Մետաքսե Հակոբյանը:
Հակոբյանը նկատեց, որ վերջին երկու տարում իրենք իրենց բնական իրավունքների մասին են խոսում. «Բնական իրավունք, որը այսօր միջազգային իրավունք է ու որեւէ մեկը չի կարող դա փակել»:
Պատգամավորը Փաշինյանի ուղերձում կարմիր թելով տեսել է նաեւ շանտաժի լեզուն. «Որով նաեւ վախեցնում էր ժողովրդի այն հատվածին, որոնք չեն լռում, որոնք խոսում են Արցախի մասին ու մտածում Արցախ վերադառնալու մասին»:
Կարդացեք նաև
Հակոբյանի խոսքով, Փաշինյանի կողմից ուղիղ սպառնալիք ու շանտաժ հնչեց ուղերձում, որ ով որ կխոսի, նախ կհետապնդվի, հետո վնաս կտա ՀՀ-ին. «Սա ամենամեծ սուտն ու կեղծիքն է, քանի որ իմ բնական իրավունքի հետեւից գնալը չի կարող վնասել ՀՀ-ին»:
Արփինե ՍԻՄՈՆՅԱՆ
