«Թրամփի ճանապարհ» նախագիծը տնտեսագիտության դոկտոր, պրոֆեսոր Թաթուլ Մանասերյանը համարում է Հարավային Կովկասում նոր անվտանգության ճարտարապետությանն ուղղված նվաճում․ այս մասին նա կարծիք հայտնեց Երեւանում ընթացող «Հայաստան – ԵԱՏՄ․ միասին առաջ» համաժողովի ժամանակ։
Այս համատեքստում նա անդրադարձավ ճանապարհի բացումից Հայաստանի հնարավոր օգուտներին՝ ասելով, որ պետական մարմինները պետք է կոնկրետ հաշվարկներ ներկայացնեն հանրությանը, ինչը, սակայն, դեռ չկա։
Նա կարծում է, որ հայկական կողմը կարող էր ավելի ինտենսիվ աշխատանքներ տանել ու առավելագույն արդյունքները ստանալ, ինչպես Ադրբեջանն է անում․ «Ստորագրումից 2-3 օր առաջ ադրբեջանական կողմը հասցրեց համաձայնագրեր ստորագրել ամերիկյան կողմի հետ տնտեսական համագործակցության տարբեր ոլորտներում։ Հայաստանը կարող էր հարցը բարձրացնել այն երկրի հետ, որը կարեւոր, եթե ոչ վճռորոշ դեր է խաղում ՆԱՏՕ-ում եւ բացել ճանապարհ դեպի ծով»։
Այս հարցը տնտեսագետը միանգամայն հնարավոր է համարում, քանի որ Հայաստանն ու Թուրքիան համապատասխան միջազգային պայմանագրերի կողմեր են։
Կարդացեք նաև
Իր ելույթում տնտեսագետը խոսեց ԵԱՏՄ-ից Հայաստանի ստացած օգուտներից՝ հարց հնչեցնելով՝ ինչո՞ւ ձեռք բերել թշնամի՝ ի դեմս ՌԴ-ի։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
