«Ա1+». ԵՄ Խորհուրդն այսօր ևս 12 ամսով՝ մինչև 2027 թվականի հուլիսի 31-ը, երկարաձգեց պատժամիջոցները Ռուսաստանի դեմ։
Այս տնտեսական միջոցառումները, որոնք առաջին անգամ կիրառվել են 2014 թվականին, 2022 թվականի փետրվարից ի վեր զգալիորեն ընդլայնվել են՝ ի պատասխան Ուկրաինայի դեմ Ռուսաստանի չհրահրված, չարդարացված և անօրինական ռազմական ագրեսիայի,-ասված է ԵՄ հաղորդագրության մեջ։
Միջոցառումները ներառում են առանցքային ոլորտներ, այդ թվում՝ առևտուրը, ֆինանսները, էներգետիկան և երկակի նշանակության տեխնոլոգիաները: Դրանք նաև ներառում են Ռուսաստանից դեպի ԵՄ ծովային ճանապարհով հում նավթի և որոշակի նավթամթերքների ներմուծման կամ փոխադրման արգելք, Ռուսաստանում և երրորդ պետություններում գործող մի շարք ֆինանսական հաստատությունների և կրիպտոծառայություններ մատուցողների նկատմամբ գործարքների արգելք, ինչպես նաև Կրեմլի կողմից աջակցվող մի շարք ապատեղեկատվական կայանների հեռարձակման գործունեության և լիցենզիաների կասեցում Եվրոպական միությունում։ Բացի այդ, հատուկ միջոցառումները ԵՄ-ին հնարավորություն են տալիս հակազդել պատժամիջոցների շրջանցմանը։
