Armat Media-ի տեղեկություններով` hուլիսի 14-ին Հայաստանում նշվող Ֆրանսիայի ազգային տոնին նվիրված տոնակատարությունից հետո հյուրերի մեծ մասն աղիքային ինֆեկցիա ախտորոշմամբ հայտնվել է հիվանդանոցում:
Ֆրանսիայի դեսպանությունը այս տեղեկությունը հաստատել է․
«Ազգային տոնի կապակցությամբ 2026 թվականի հուլիսի 14-ին Ֆրանսիայի դեսպանատանը կազմակերպված ընդունելության որոշ հյուրեր մեզ հայտնել են սննդային թունավորման ախտանիշների մասին:
Ֆրանսիայի դեսպանությունն անկեղծորեն հայցում է այդ հյուրերի ներողամտությունը պատճառված անհարմարության համար։ Ֆրանսիայի դեսպանությունը հույս է հայտնում, որ նշված ախտանիշների պատճառները կբացահայտվեն: Ուստի դիմել է ՀՀ Առողջապահության նախարարությանը:
Ցանկացողները կարող են կապ հաստատել մեզ հետ հետևյալ էլ. հասցեով՝
[email protected]»։
«Փաստինֆո»-ն մեկնաբանության համար դիմել էր ԱՆ-ին, որտեղից սահմանափակվել են՝ «տեղեկություններ չունենք» ձեւակերպմամբ, մինչդեռ Ֆրանսիայի դեսպանությունը հաստատում է։
