![\"\"](http://www.aravot.am/2007/aravot_arm/April/13/p1.jpg\")
Շենգավիթ համայնքի առաջին ատյանի դատարանի նորակառույց շենքի բացման արարողության ժամանակ երեկ հանդիպեցին Վճռաբեկ դատարանի դատավոր Դավիթ Ավետիսյանը, որը ժամանակին Գերագույն դատարանում «31»-ի գործով դատավորն էր, եւ ԱԺ փոխնախագահ Վահան Հովհաննիսյանը, որին պրն Ավետիսյանը դատապարտել էր 3 տարվա ազատազրկման՝ սահմանադրական կարգը բռնի տապալելու կոչերի համար: Սակայն նրանք շատ ջերմորեն իրար ողջունեցին, կատակներ փոխանակեցին:
1996-ին այդ դատավարության ընթացքում էլ էին երբեմն նման դեպքեր արձանագրվում: Ասենք, դատավոր Ավետիսյանը դիտողություն արեց դահլիճում աղմուկի կապակցությամբ. «Լռությո՛ւն: Իսկ ում չի հետաքրքրում՝ կարող է դուրս գալ»:
Ամբաստանյալ Վահան Հովհաննիսյանը վանդակից ձեռք բարձրացրեց. «Պարոն դատավոր, ես կարո՞ղ եմ դուրս գալ, ինձ այս ամենը բոլորովի՛ն չի հետաքրքրում»: «Դուք առայժմ նստեք»,- հրահանգեց Դավիթ Ավետիսյանը:
