Այսօր ԱԺ-ում դատախազության 2023 թվականի գործունեության մասին հաղորդման ներկայացման ժամանակ «Հայաստան» խմբակցության պատգամավոր Արթուր Խաչատրյանն իր ելույթում ասաց. «Հանրային կարծիքի ուսումնասիրությունները ցույց են տալիս, որ ամենացածր հեղինակություն ունեցող ինստիտուտը ՀՀ-ում Ազգային ժողովն է: Եվ դրա մեջ իր մեծագույն դերն ունի ԱԺ նիստերի կառավարման ընտրողական մոտեցումը սանկցիաների կիրառման հարցում: Երբ ԱԺ նախագահողները սանկցիաներ են կիրառում, իրենք վարկաբեկում են այս ինստիտուտը: Եթե նախարարությունում ինչ-որ մի բան էն չի գնում, օրինակ, ռազմական ցուցահանդեսին զենքի փոխարեն բրոշյուրներ են ուղարկում, ում էլ ուզում եք մեղադրեք, բայց դա գերատեսչության ղեկավարի բացթողումն է:
Ի դեպ, ի տարբերություն Աժ-ի, ամենաբարձր հեղինակություն ունեցող կառույցը Հայ առաքելական սուրբ եկեղեցին է: Արուսյակ Ջուլհակյանն ասում է՝ բա եթե ՀՀ-ում դիկտատուրա է, ինչու դուք քաղբանտարկյալ չեք: Քիչ մնաց: Դրան էլ ենք հասնելու, երբ ոստիկանը, իմանալով հանդերձ ում է ձերբակալում, ինքը դա անում է գիտակցաբար: Երեւի տեսել եք բանդեր-լոգները որ հարձակվում են Բալուի վրա, այ էդ ձեւի ինձ նստացրել են մեքենա, գնում հասնում ենք ոստիկանություն, մարդը բարի աչքերով ասում է՝ մենք քեզ բերման չենք ենթարկել:
Ասում եմ՝ իյա, բարեւ, բա էստեղ ի՞նչ եմ անում: Ասում է՝ եսի՞մ: Լավ, ես ի՞նչ եմ արել: Մեքենան կայանելուց դեպի Երեւան եկող է եղել, Երեւանից գնացող չի, որ ասեն՝ գնացել եմ, կազմակերպել եմ, մի հատ կարո՞ղ եք բացատրել: Բա ես կամավոր ո՞նց հայտնվեցի Հրազդանի քաղաքային բաժնում, ո՞նց եղավ դա, շատ հետաքրքիր է: Ես հույս ունեմ, որ դատախազությունը դրան կարձագանքի, նաեւ այդ հրաշափառ տելեպորտացիայի մասին կխոսա»:
Արթուր Խաչատրյանն ասաց. «Վաղը ինձ կարող է մեղադրեք Քենեդուն սպանելու մեջ, ջհանդամ, թե ես էդ ժամանակ ծնված չեմ եղել»:
Կարդացեք նաև
Հռիփսիմե ՋԵԲԵՋՅԱՆ
