«Հանրապետության նախագահը շատ ավելի ծանր բանակցություններին մասնակցող մարդ է, շատ ծանր հարցեր է քննարկում, և նման պարզունակ հարցերով նրան փորձել ծուղակը գցել, անհնար է: Սա բացասական ստվեր չգցեց հանրապետության նախագահի վրա, բոլորն ասացին, որ հմուտ գործիչ է և այդ իրավիճակում վարվեց այնպես, ինչպես կվարվեր ցանկացած եվրոպական հմուտ գործիչ»,- այսօր մամուլի ասուլիսում հայտարարեց ԵԽԽՎ-ում հայաստանյան պատվիրակության ղեկավար Դավիթ Հարությունյանը:
Հիշեցնենք, որ հոկտեմբերի 2-ին ԵԽԽՎ աշնանային նստաշրջանի լիագումար նիստում հայաստանյան պատվիրակության անդամ Զարուհի Փոստանջյանի՝ Սերժ Սարգսյանին ուղղված խաղատանը 70 մլն եվրո պարտվելու մասին հարցը մեծ աղմուկ էր բարձրացրել:
Դավիթ Հարությունյանը չի կարծում, որ նախագահի հեղինակությունը տուժել է այդ հարցադրումից:
Հարցին`եթե համամիտ չեն Փոստանջյանի հնչեցրած հարցի հետ, պատրաստվո՞ւմ են Սերժ Սարգսյանին զրպարտելու համար հայց ներկայացնել դատարան, Դավիթ Հարությունյանը պատասխանեց, որ չի կարծում, թե սա այն դեպքն է, երբ պետք է դատարան դիմել: «Որևէ մեկին ոչ ոք չի պատրաստվում հետապնդել, Փոստանջյանին որևէ մեկը չի հետապնդում: Խոսք կա պատվիրակության ձևավորման մասին: Մեկ անգամ ևս նշեմ, որ պատվիրակության ձևավորման լիազորությունը ԱԺ նախագահինն է: Կան որոշակի կանոններ՝ ընդունված ԵԽ կողմից, որոնք մեր գործունեության հիմքում են, որոնց մենք խստորեն կհետևենք»,- ընդգծեց նա:
Կարդացեք նաև
Դավիթ Հարությունյանը նշեց, որ Սերժ Սարգսյանի՝ ԵԽԽՎ-ում ունեցած ելույթը շատ հետաքրքիր շեշտադրումներ էր պարունակում: Նա ուշադրություն հրավիրեց հետևյալ հատվածի վրա՝ չներխուժելով Մինսկի խմբի աշխատանքների մեջ՝ ԵԽ-ն պետք է սկսի իր աշխատանքներում ներգրավել Ղարաբաղը: Դավիթ Հարությունյանի խոսքով՝ Սերժ Սարգսյանը կարևորել է այն գաղափարը, որ եթե մենք ակնկալում ենք խաղաղ կարգավորում, պետք է գործընթացում ներգրավենք բոլոր կողմերին, այդ թվում՝ Լեռնային Ղարաբաղին:
Ի դեպ, Դավիթ Հարությունյանը ԵԽԽՎ-ում Սերժ Սարգսյանի ելույթը բավականին դրական է գնահատում:
Մանրամասները` տեսանյութում
Նելլի ԳՐԻԳՈՐՅԱՆ
Դավիթ Հարությունյանը ճիշտ է ասում, որ Զարուհու հարցերը բարձրացրեցին նախագահի հեղինակությունը: Բերենք տրամաբանական մի օրինակ,՝ երբ բարոյական օրենքներից զուրկ կնոջը
ցանկանում ես իր վարքի համար վիրավորել, որքան թունդ է լինում վիրավորանքը, այնքան նա իրեն
այդ գործում պրոֆեսիոնալ է զգում: