Երեկ արդարադատության նախարարի մամուլի քարտուղար Լանա Մշեցյանն «Առավոտին» փոխանցեց հետեւյալը. «Ի պատասխան ՀՀ մարդու իրավունքների պաշտպանի՝ ՀՀ արդարադատության նախարարին ուղղված նամակի, տեղեկացնում ենք, որ նախարարը հանձնարարել է ՀՀ գլխավոր հարկադիր կատարող Միհրան Պողոսյանին՝ ուսումնասիրել քաղաքացի Լարիսա Փարեմուզյանի կողմից ներկայացված տեղեկությունները, նշանակել ծառայողական քննություն: Ուսումնասիրությունների արդյունքը զեկուցել արդարադատության նախարարին»: Նշենք, որ մեր գործընկերոջը Վանաձորի հարկադիր ծառայողները խոչընդոտել էին, վերցրել նրա տեսախցիկը այն ժամանակ, երբ տնակային թաղամասի բնակիչներին տարհանում էին՝ առանց զգուշացման:
