Երեկ Լոռու մարզի Թումանյանի համայնքապետարանի պաշտոնական էջը տարածել է մարզպետ Արեն Մկրտչյանի հրապարակած տեսանյութը, որում համայնքի ղեկավար Սուրեն Թումանյանը ներկայացնում է Դսեղում իրականացված աշխատանքներն ու ծրագրերը՝ խոսելով կատարված աշխատանքների և դրանց վերաբերյալ տվյալների մասին։
Այսօր՝ սեպտեմբերի 27-ին, Թումանյան համայնքում ավագանու ընտրություններ են։ Սուրեն Թումանյանը «Քաղաքացիական պայմանագիր» կուսակցության ավագանու թեկնածուների ցուցակը գլխավորողն է։ Ընտրական օրենսգրքով քվեարկության նախորդ օրը և քվեարկության օրը նախընտրական քարոզչությունն արգելվում է։
Միաժամանակ, օրենսգրքի 23-րդ հոդվածն արգելում է քարոզչության նպատակով վարչական ռեսուրսի, այդ թվում՝ ծառայողական պարտականությունների համար տրամադրված տեղեկատվական միջոցների օգտագործումը։ Այս դեպքում համայնքապետարանի պաշտոնական տեղեկատվական հարթակն օգտագործվել է համայնքում կատարված աշխատանքները գործող համայնքապետի կողմից ներկայացնող տեսանյութ տարածելու համար։
Նյութն ամբողջությամբ՝ սկզբնաղբյուր կայքում
