![\"\"](\"https://www.aravot.am/2010/aravot_arm/June/18/p27.jpg\")
APA գործակալության մատուցմամբ, հունիսի 17-ին Եվրամիությունն ու Վրաստանը վիզային ռեժիմի պարզեցման մասին համաձայնագիր են ստորագրել: Փաստաթղթի ստորագրման արարողությանը մասնակցել են ԵՄ-ում նախագահող երկրի՝ Իսպանիայի արտգործնախարար Միգել Անխել Մորատինոսը (ձախից), ԵՄ ներքին գործերի հանձնակատար Սեսիլիա Մալմստրեմն ու Վրաստանի ԱԳ նախարար Գրիգոլ Վաշաձեն (աջից):
Այդ համաձայնագրով պարզեցվում է Շենգենյան գոտի այցելելու ցանկություն ունեցող Վրաստանի քաղաքացիներին վիզա տրամադրելու ընթացակարգը: Դա վերաբերում է, իհարկե, մարդկանց որոշակի շրջանակի, այդ թվում՝ գործարարների, գիտնականների, ուսանողների եւ լրագրողների, նաեւ այն անձանց, ովքեր ցանկություն ունեն այցելել ԵՄ տարածքում բնակվող իրենց հարազատներին: Ստորագրված համաձայնագրով միաժամանակ Վրաստանի բոլոր քաղաքացիների համար իջեցվել է վիզա ստանալու մաքսատուրքը, որը նախկին 60 եվրոյի փոխարեն այլեւս կկազմի 35 եվրո:
