![\"\"](\"https://www.aravot.am/2011/aravot_arm/September/1/p1.jpg\")
Դավիթաշեն թաղամասին հարող Հրազդանի կիրճում կառուցվող այս շքեղ ռեստորանային համալիրը, ըստ «Առավոտի» աղբյուրների, պատկանում է Երեւանի քաղաքապետ Կարեն Կարապետյանին: Իհարկե, օբյեկտը պաշտոնապես գրանցված չէ քաղաքապետի անունով: Մեր տեղեկություններով, Կարեն Կարապետյանը ռեստորանը կառուցում է ի պատիվ դստեր: Քաղաքապետը մտադիր է առաջիկայում կայանալիք դստեր հարսանիքն անել հենց այս նորակառույց «Ֆլորենս» ռեստորանում: Այդ նպատակով շինարարներն այս օրերին ջանք չեն խնայում՝ համալիրը վերջնական տեսքի բերելու համար: Ստացվում է, որ քաղաքապետի օբյեկտի «կարմիր ժապավենը» կտրելու է իր դուստրը:
Այս կառույցի առնչությամբ քաղաքապետի մամուլի քարտուղարն «Առավոտին» ասաց՝ «մեկնաբանություններ չունեմ»: