Այսօր` նոյեմբերի 11-ին, ավտովթար է տեղի ունեցել Երեւանում: Ինչպես դեպքի վայրից Aravot.am-ին հայտնում է ֆոտոլրագրող Գագիկ Շամշյանը, ժամը 13.00-ի սահմաններում, 21-ամյա 
Սաչեյանը, վարելով «ՎԱԶ 2106» մակնիշի 26 ՕԼ 944 համարանիշի ավտոմեքենան, Նուբարաշենի խճուղում` Նուբարաշենի հայտնի ավտոշուկայի հարեւանությամբ, դուրս է եկել ճանապարհի բանուկ մասից ու հարվածել ճամփին կայանված «ՎԱԶ 2107» մակնիշի Տ 5924 համարանիշի ավտոմեքենային:
Բախման հետեւանքով «ՎԱԶ 2107»-ը կողաշրջվել է: Բարեբախտաբար, այդ պահին վարորդը` 52-ամյա Արտավազդ Խաչատրյանը, «ՎԱԶ 2107»-ի մեջ չի եղել:
Վթարի հետեւանքով զոհեր եւ վիրավորներ չկան:
Դեպքի վայր էին ժամանել Երեւանի Ճանապարհային ոստիկանության 1-ին սպայական գումարտակի տեսուչները, նաեւ ապահովագրական ընկերության ներկայացուցիչները:
Կարդացեք նաև
Ականատեսները պատմել են, որ նշված հատվածում ուրբաթ օրվանից սկսվում է ավտոմեքենաների կուտակումը, քանի որ շաբաթ-կիրակի օրերին ավտոշուկայում լինելու համար մարդիկ իրենց ավտոմեքենաները ուրբաթ օրն են շուկա բերում:
