Ռուսաստանցի ճանաչված շախմատային մեկնաբան Եվգենի Ատարովը, անդրադառնալով Տալի հուշամրցաշարին, նշում է, որ չնայած Հայաստանի ներկայացուցիչ Լեւոն Արոնյանը միայն լրացուցիչ ցուցանիշներով չհաղթեց, միեւնույն է, աշխարհի ամենահզոր գրոսմայստերների պայքարում նա էր լավագույնը:
«Ճակատագիրը միշտ չէ, որ արդար է լինում: Իսկ Լեւոնին այն հենց սկզբից անհավասար պայմանների մեջ դրեց հաղթողի գլխավոր հավակնորդների մեջ. գրեթե այնպիսի, ինչպիսին լինում է «արմագեդոնում»: Վիճակահանությամբ նա մեկ ավելի սպիտակ գույն ունեցավ: Սակայն այդ պարագայում հավասար միավորների դեպքում նա առաջնությունը զիջելու էր թե Նեպոնմյաշչիին, թեԿարյակինին, թե Իվանչուկին եւ թե Կարլսենին: Ու հենց վերջինն էլ հաղթող հռչակվեց: Այդուհանդերձ, բոլորի համոզմամբ Տալի հուշամրցաշարի լավագույն շախմատիստը հենց Լեւոն Արոնյանն էր»,- արձանագրում է մեկնաբանը:
Աշոտ ՀԱԿՈԲՅԱՆ
