Հայաստանում տիրող անբարենպաստ եղանակային պայմանների արդյունքում՝ անցյալ շաբաթվա վերջում բավականին դժվար իրավիճակ էր ստեղծվել Ջաջուռ-Մայիսյան երկաթուղային հատվածում: Երկարատև ձյունից հետո նշված հատվածում առաջացան մոտ 6-մետրանոց ձյունակույտեր, իսկ մաքրման աշխատանքները դժվարացնում էր ուժեղ քամին: Ջաջուռ-Մայիսյան հատվածն առանձնանում է նաև բավականին դժվար ռելիեֆային պայմաններով. երկաթուղային գծերն անցնում են սարերի մոտակայքում:
Ձյան պատճառով նշված հատվածը դարձել էր անանցանելի և փակված եր գնացքների համար: Արդյունքում, փետրվարի 10-ին և 12-ին դադարեցված էր «Հարավկովկասյան երկաթուղի» ՓԲԸ-ի Երևան-Թբիլիսի միջազգային գնացքների երթևեկությունը:
Այս օրերի ընթացքում տարվում էին երկաթուղային գծերի մաքրման աշխատանքները, որոնցում ներգրավված էին հատուկ տեխնիկան և ՀԿԵ ու ՀՀ ԱԻՆ աշխատակիցները: Հստակ կազմակերպված աշխատանքի շնորհիվ Ջաջուռ-Մայիսյան հատվածը բացվեց արդեն 47 ժամ անց:
Հատուկ օգնություն երկաթուղայիններին ցուցադրեցին Հայաստանի Հանրապետության Արտակարգ իրավիճակնրի նախարարության մասնագետները, որոնց շնորհիվ ձյունից ազատվեց «ՀԿԵ» ՓԲԸ-ի հատուկ տեխնիկան:
Ամբողջ գիշերվա ընթացքում անցնում էին «ՀԿԵ» ՓԲԸ ղեկավարության հատուկ խորհրդակցությունները` գլխավոր տնօրեն Շևկետ Շայդուլլինի նախագահությամբ:
Մաքրման աշխատանքները երթաթուղիում շարունակվում էին՝ չնայած ծանր եղանակային պայմաններին: Հարկ է նշել Վանաձոր և Գյումրի ուղեմասերի, Գյումրի ԳԿՄ և վերականգնողական գնացքի աշխատակիցների մասնակցությունը:
«Հարավկովկասյան երկաթուղի» ընկերության Երևան-Թբիլիսի միջազգային գնացքը փետրվարի 14-ին «Երևան» կայարանից մեկնելու է ըստ չվացուցակի՝ ժամը 22:35-ին: «Հարավկովկասյան երկաթուղի» ընկերությունը հայտնում է նաև, որ այն ուղևորները, ովքեր ձեռք էին բերել տոմսեր հետաձգված գնացքների համար և չեն հանձնել այն տոմսարկղեր, կարող են օգտվել այդ տոմսերից այժմ:
ՀԿԵ մամլո ծառայություն
