Ռուսաստանը մերժել է Սաուդյան Արաբիայի գործարքը, որով Ռուսաստանը այլևս չպիտի աջակցեր Սիրիայի նախագահ Բաշար Ալ Ասադին: Հայտնում է «Ֆրանս պրես» լրատվական գործակալությունը:
Հուլիսի 31 Ռուսաստանի նախագահ Վլադիմիր Պուտինը հանդիպել էր Սաուդյան Արաբիայի հետախուզական ծառայության ղեկավար արքայազն Բանդար բին Սուլթանի հետ, ինչից հետո Մոսկվան և Էր Ռիադը շարունակում էի բանակցությունները:
«Ամեն տարի Բանդար բին Սուլթանը հանդիպում է իր ռուս գործընկերների հետ, սակայն այս տարի նա ցանկանում էր հանդիպել երկրի ղեկավարի հետ», – ասել է Բեյրութում և Դամասկոսում շրջագայող եվրոպացի դիվանագետ:
«Կրեմլում հանդիպման ժամանակ Սաուդյան Արաբիայի պաշտոնյաները իրենց զրուցակիցներին բացատրել են, որ Էր Ռիադը պատրաստ է Մոսկվային օգնել, որ այն ավելի մեծ դեր խաղա Մերձավոր Արևելքում, այն ժամանակ, երբ ԱՄՆ-ն կազատվի տարածաշրջանից», – ասել է դիվանագետը` ավելացնելով, որ Բանդարը առաջարկել է, ոչ Սաուդյան Արաբիան 15 միլիարդ դոլարի սպառազինություն կգնի Ռուսաստանից և նշանակալի ներդրում կանի երկրում: Նա նաև վստահեցրել է, որ Ասադից հետո ով էլ գա Սիրիայում իշխանության, լիովին կլինի Սաուդյան Արաբիայի ձեռքում և երաշխավորել է, որ ոչ մի պայմանագիր չի ստորագրի, որով Պարսից ծոցից արտահանվող գազը կարող է վտանգել Ռուսաստանի դիրքերը որպես Եվրոպայում գազի հիմնական մատակարարի:
Կարդացեք նաև
Պատրաստեց Հովհաննես ԻՇԽԱՆՅԱՆԸ
