Հայաստանի Հանրապետությանը ռուսական ներդրումներից զատ անհրաժեշտ են նաեւ եվրոպական ներդրումներ: Այդ մասին Aravot.am-ի հետ զրույցում ասում է ԵԿՄ Լոռու մարզային խորհրդի նախագահ Կամո Հովհաննիսյանը` անդրադառնալով սեպտեբերի 3-ին ՀՀ նախագահ Սերժ Սարգսյանի` Մոսկվայում արած այն հայտարարությանը, թե Հայաստանը որոշել է մտնել Մաքսային միություն:
«Հայաստանի համար կարեւոր է Մաքսային միությունը, քանի որ դա մեկ աստիճան ավել պաշտպանության երաշխիք է, ազդակ է, որպեսզի թշնամին էլ ավելի զսպվի, բայց նաեւ կարեւոր են Եվրոպայի հետ հարաբերությունները: Կարծում եմ, որ երկու կողմի հետ աշխատելը ճիշտ կլինի, մեզ պետք է, որ մեր պետությունը ոտքի կանգնի»,-ասում է ԵԿՄ Լոռու մարզային խորհրդի նախագահը:
Նա նկատում է, որ Մաքսային միություն մտնելը խոչընդոտ չէ Եվրամիության հետ համագործակցության լայն եզրեր նշելու գործընթացում:
«Եվրոպան այդքան հեշտ չի զիջի Հայաստանը, ուղղակի Եվրոպային այս պահին ավելի հարմար էր, որ մենք լինեինք միայն իրենց հետ»,-եզրափակում է նա:
Կարդացեք նաև
Անուշ ԲՈՒԼՂԱԴԱՐՅԱՆ
