Հաղորդում՝ հանցագործության մասին
Իմ նկատմամբ ՀՔԾ-ում քննվող թիվ 13200812 քրեական գործի ընթացքում քննչական խմբի քննիչ Արթուր Ղազարյանը 2013թ. ապրիլ-հունիս ամիսներին ինձնից պահանջել է 500 ԱՄՆ դոլար՝ նշանակված փորձագիտական եզրակացությունը հօգուտ ինձ կազմակերպելու համար, հայտարարելով, որ ինքը ինձ փոխանցում է քննչական խմբի նախկին ղեկավար Հ. Սարդարյանի ասածը: Այդ խոսակցությունը իմ կողմից ձայնագրվել է, որի սկավառակը Ձեզ կներկայացնի կամ հայրս, կամ իմ պաշտպան, փաստաբան Հակոբ Ճառոյանը:
13.03.2014 թ.-ին «Երեւան-Կենտրոն» ՔԿՀ-ում իմ պաշտպանի ներկայությամբ ինձ հանձնեց մեղադրանքը փոխելու եւ լրացնելու մասին, ինչպես նաեւ անձին որպես մեղադրյալ ներգրավելու մասին որոշումները, որտեղից ակնհայտ դարձավ, որ նախաքննությունն իրականացվում է միակողմանի, պատվերով՝ ի վնաս ինձ: Մասնավորապես ՀՔԾ-ում, քննիչ Էդ.Հակոբյանի կողմից անտեսվում է իմ եւ իմ մերձավոր հարազատների կողմից տրված ցուցմունքներն այն մասին, որ Վահրամ Մկրտչյանը՝ նախկինում Պետական գույքի կառավարման նախարարության վարչության պետ, այժմ «Բարեպաշտ սերունդ» հիմնադրամի տնօրեն, Արման Սարգսյանը՝ ՊԵԿ-ի ՕՀՎ-ում բաժնի պետ, Ռուսլան Գրիգորյանը, Ռուսլան Բադալյանը՝ ՊԵԿ-ի ՕՀՎ-ում օպերլիազորներ, Վաչե Սարգսյանը՝ Արման Սարգսյանի եղբայրը, Արսեն Ալեքսանյանը, Գուրգեն Սարգսյանը, Հրաչը, ՊԵԿ-ի ՕՀՎ-ի աշխատակից, այս անձինք ինձ առեւանգել են, պահել անազատության մեջ, խոշտանգել եւ բռնությամբ ինձնից խլել սեփականության իրավունքով ինձ պատկանող անշարժ գույքերը եւ իմ բիզնեսները: Հիմք ընդունելով վերոգրյալը՝ խնդրում եմ ՀՀ օրենսդրությամբ սահմանված կարգով ընթացք տալ քննիչի կողմից ինձնից կաշառք պահանջելու մասին իմ հայտարարությունը:
ԱՐՏԱԿ ՂՈՒԿԱՍՅԱՆ
Կարդացեք նաև
«Երեւան-Կենտրոն» ՔԿՀ
«Առավոտ» օրաթերթ
