Ինչպես տեղեկացրել ենք, այսօր Գյումրու լոմոկոմոտիվային դեպոյի մեքենավարներն ու նրանց օգնականները իրենց օր օրի ցածրացող աշխատավարձերի պատճառով 2 ժամյա գործադուլ էին հայտարարել: Նրանք ղեկավարությունից պահանջում են նորմալ հաշվել իրենց աշխատավարձը, ոչ թե աչքի չափով վճարել ու Հայաստանում հայի հետ ստրուկի պես վարվել:
Գյումրու լոկոմոտիվային դեպոյի տնօրեն Նիկոլայ Լավրենչուկը լրագրողների հետ զրույցում այս գործադուլը որակեց անհիմն` նշելով, որ այսօր լավ պայմաններում են աշխատում լոկոմոտիվային բրիգադները, նորմալ են նաև նրանց աշխատավարձերը. մի քանի անգամ բարձրացրել է՝ համեմատած անցած տարիների հետ: Որոշակի խնդիրներ, ըստ պաշտոնյայի, առաջացել են հունվար, փետրվար ասիաներին, աշխատանքի ժամերը նվազել էին, հետևաբար և վճարումը:
Ռուս պաշտոնյան նաև ասաց , որ ժողովների ժամանակ իրենք առաջարկել են կամ անձնակազմի քանակը նվազեցնել ու դրա հաշվին բարձրացնել մյուսների աշխատավարձը կամ թողնել նույնը` նույն աշխատավարձով: Ըստ նրա, աշխատակիցները կրճատումներին չեն համաձայնել:
Դեպոյի՝ բողոքի դուրս եկած աշխատակիցները լսում ու արձագանքում էին պաշտոնյայի պարզաբանումներին: Նրանք մեզ փոխանցեցին, որ վերջինս նոր ղեկավար է Գյումրու դեպոյում, շնորհքով և խելացի անձն է, սակայն նրա ձեռքը ճար չկա, իսկ իրենք կոնկրետ նրանից ոչ մի պարտք -պահանջ չունեն:
Ռուս պաշտոնյայի պարզաբանումը` տեսանյութում
Նունե ԱՐԵՎՇԱՏՅԱՆ
