Տավուշի մարզի սահմանագոտում բնակվում են ադրբեջանցիներ, որոնց տեղի բնակիչները հարգում, գնահատում են: Նոյեմբերյանի տարածաշրջանի սահմանամերձ Բաղանիս գյուղում ադրբեջանուհի է բնակվում, ում որդին ազատամարտիկ է, կռվում կորցրել է մի ոտքը: Սահմանամերձ Ոսկեպարում բնակվող ադրբեջանուհին մահացել է, նրա զավակները երբեւէ անհարմարություն չեն ունեցել իրենց մոր ազգային ծագման կապակցությամբ:
Իջեւանի տարածաշրջանի սահմանամերձ Ներքին Ծաղկավանում շատ են հարգում Ալի Յուսուպովի ընտանիքի զավակներին, որոնք այժմ Մխիթարյան ազգանունով են գրվում: Ընտանիքի զավակներից մեկը ազատամարտիկ է, մյուսը՝ Իջեւանի տարածաշրջանում հարգված տրակտորիստ: Նույն տարածաշրջանի սահմանամերձ Սարիգյուղ եւ Սեւքար գյուղերում քիչ չեն հայ-ադրբեջանական, խառն ամուսնությամբ ընտանիքները:
Իսկ Ադրբեջանում հայկական ծագումը բավական է մարդուն մեղադրելու համար: Ադրբեջանական haqqin az կայքը այդ երկրի պետական դրոշի հրապարակի նախկին պետ, «Ազիմպորտ» ընկերության տնօրեն Ռեշադ Մամեդովին մեղադրել է այն բանում, որ նրա մայրը հայ է, Մարտիրոսյան ազգանունով: Այժմ կալանքի տակ գտնվող Ռ. Մամեդովն ստիպված արդարացել է, որ իր մայրը հայ չէ:
Հետաքրքիր է, որ ադրբեջանական լրատվամիջոցները չեն գրում այն մասին, որ այդ երկրի երկարամյա վարչապետ Արթուր Ռասիզադեի մայրը հայ է եւ չեն պահանջում կառավարության ղեկավարի հրաժարականը:
Կարդացեք նաև
Ոսկան ՍԱՐԳՍՅԱՆ
