Վարչական դատարանում հոկտեմբերի 13-ին տեղի էր ունենում Գյումրիի ՏԻՄ ընտրությունների արդյունքների բողոքի քննությունը:
Հայցվորների ներկայացուցիչ Մակար Եղիազարյանը հանդես եկավ բացման խոսքը Տվյալ հանձնաժողովը իր որոշման հիմքում դրել է մի իրավական ակտ, որը կիրառելի չէ: Հանձնաժողովը հիմքում դրել է ընտրական օրենսգրքի 141-րդ հոդվածի 3-րդ մասի առաջին պարբերությունը, որն ըստ նրա, կիրառելի չէ:
Հովհաննես Մարգարյանը նշեց, որ 141-րդ հոդվածը հաջորդ տարվանից պետք է ուժի մեջ մտներ: Հոդվածի կիրառումը պետք է արտացոլվեր վերջնական արդյունքում, սակայն անորոշ ձեւակերմամբ հինգերորդ մասով արհեստականորեն, առանց որեւէ հիմք Հայկական վերածնունդ կուսակցությունից եւ Բարգավաճ Հայաստանից վերցրել է մեկական մանդատ եւ տվել Բալասանյան դաշինքին: Նման հաշվարկ կարելի էր կատարել, եթե ստանար քառասունից ավել քվե, իսկ Բալասանյան դաշինքը ստացել էր ձայների 34.67 տոկոսը, հետեւաբար սույն հոդվածի նորմերը չէին կարող կիրառվել: Հովհաննես Մարգարյանը հավելեց, որ իրենք չեն մասնացել քվեարկությանը, ավելին՝ իրենց հայտնել են, որ քվեարկությունը այլ օր է լինելու: Ըստ նրա, հանձնաժողովը կաշկանդված էր եւ որոշակի ազդեցության տակ էր կայացվել որոշումը:
Հովհաննես Մարգարյանը խնդրեց դատարանին անվավեր ճանաչել 206 Ա որոշումը. «Երբ համադրում ենք փաստերը կարծում եմ եւ միջնորդում եմ՝ պետք է ներկա լինեին հանձնաժողովի անդամները, եւ լսեինք նրանց կարծիքը, որ մեկնաբանեին, թե ինչպես են հաշվարկն իրականացրել»:
Կարդացեք նաև
Պատասխանող կողմը ժամանակ խնդրեց՝ բացման խոսքին նախապատրաստվելու համար: Դատական նիստը ընդմիջվեց:
Ամի ՉԻՉԱԿՅԱՆ
