Կենտրոնական ընտրական հանձնաժողովի նախագահ Տիգրան Մուկուչյանը հայտարարել է, թե մուտք գործելով ՀՀԿ նախընտրական շտաբ՝ Զարուհի Փոստանջյանը փորձել է կաթվածահար անել շտաբի աշխատանքը եւ ոտնահարել ՀՀԿ-ի՝ ընտրություններին մասնակցելու իրավունքը:
«ՉԻ»- Տիգրան Մուկուչյանն, իհարկե, իրավացի է։ Պատկերացրեք՝ ՀՀԿ շտաբներում հավաքված սրտացավ քաղաքացիները քննարկում են, թե ինչպես օր առաջ թեթեւացնեն երեւանցիների կյանքը ու ավելի գեղեցկացնեն մեր 2800-ամյա մայրաքաղաքը, ու հանկարծ ինչ-որ տիկին չարամտորեն ներխուժում ու առանձնակի դաժանությամբ կաթվածահար է անում ազգի նվիրյալների այդ խորհրդաժողովը։
Նման ոտնձգությունները, բնականաբար, չեն կարող անպատասխան մնալ, եւ հայրենի իրավապահները, հասկանալի է, շտապում են հալածյալներին օգնության։ Չէ՞ որ նվիրյալները մտածում են ոչ միայն մայրաքաղաքի հետագա շենացման, այլեւ կոնկրետ բնակիչների նյութական վիճակը բարելավելու ուղղությամբ։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
