Հայաստանի անկախության 26-րդ տարեդարձին Տավուշի մարզկենտրոն Իջեւանում մի շարք միջոցառումներ կայացան: Առավոտյան Իջեւանի բժշկական կենտրոնի տարածքում օծվեց խաչքար, որը պատրաստվել է Մոսկվայում բնակվող իջեւանցիներ Արտակ եւ Արմեն Իսկանդարյանների միջոցներով:
Տավուշի մարզպետարանի շենքի առաջ գտնվող Սահմանադրության հրապարակում բացվեց Աշոտ Երկաթ թագավորի արձանը: Ավանդույթի համաձայն Հայաստանի անկախության օրը Իջեւան քաղաքի Սահմանադրության հրապարակից երթ է կայանում: Իջեւանի քաղաքապետ Վարդան Ղալումյանը, Տավուշի մարզպետի տեղակալներ Լեւոն Սարգսյանը, Վարդան Ալեքսանյանը, Հայ առաքելական եկեղեցու Տավուշի թեմի առաջնորդ Տեր Բագրատ եպիսկոպոս Գալստանյանը, ԵՊՀ Իջեւանի մասնաճյուղի տնօրեն Սամվել Առաքելյանը, այլ պաշտոնատարներ, Իջեւանի բնակիչներ զինվորական նվագախմբի զվարթ նվագի ներքո երթով հասան Ազատամարտիկների հրապարակ, ուր ծաղկեպսակներ եւ ծաղիկներ դրեցին զոհված ազատամարտիկների հուշարձանին:
Անկախության տոնի կապակցությամբ շնորհավորանքի խոսք ասաց Տավուշի թեմի առաջնորդ Տեր Բագրատ եպիսկոպոս Գալստանյանը, որը հնչեցրեց նաեւ Տերունական եւ Խաղաղության աղոթքներ: Այնուհետեւ Իջեւան քաղաքի մշակույթը տանը կայացավ տոնական համերգ:
Ոսկան ՍԱՐԳՍՅԱՆ
Խաչքարը և հիվանդանոցը ի՞նչ կապ ունեն իրար հետ;Հետաքրքիր է խաչքարը անատոմիկի դիմաց է՞ տեղադրված; դա երևի հիվանդանոցում մահացածների հիշատակին է….Այլ բան ենթադրել չի կարելի; Տեսնես որ պաշտոնյան է թույլատրել..