Եվրոպայի խորհրդի նախարարների կոմիտեն 2018թ. հուլիսի 4-ին տեղի ունեցած նիստում որոշել է երկարաձգել Հատուկ պահպանվող տարածքների եվրոպական դիպլոմը Եվրոպայի 20 տարածքների, այդ թվում Խոսրովի արգելոցի համար: Դիպլոմի գործունեությունը երկարաձգվում է 10 տարով՝ մինչև 2028 թ. հուլիսի 10-ը:
Նախարարների կոմիտեն նաև ներկայացրել է որոշ հանձնարարականներ՝ Հայաստանի իշխանությունների համար: Դրանցում, մասնավորապես խորհուրդ է տրվում.
- Որպես կառավարման նոր ծրագրի մաս՝ մշակել և ֆինանսավորել ինքնագիտակցության զարգացման ուսուցողական ծրագրեր տեղացիների, արգելոցի այցելուների և անձնակազմի համար, մասնավորապես կապված աղբի և այլ թափոնների կառավարման և կայուն տուրիզմի զարգացման հետ,
- Ապահովել Խոսրովի պետական արգելոցի ներուժը ապագայի համար՝ Հայաստանի իշխանությունների և արտաքին դոնորների օգնության, ինչպես նաև խրախուսել անձնակազմին, բարձրացնել նրանց շահագրգռվածությունը արգելոցի պահպանության հարցում:
- Գնահատել գայլերի բազմացման պահպանության վիճակը թե՛ ազգային, թե ավելի բարձր մակարդակով, ինչպես նաև մշակել «գայլերի կոնցեպտ», որը կապահովի այս տեսակի կառավարման իրավական և վարչական շրջանակը՝ համապատասխան Բեռնի կոնվենցիայի և Հատուկ պահպանվող տարածքների եվրոպական դիպլոմի կանոնադրության:
Պատրաստեց՝ Վիկտորյա ԱՆԴՐԵԱՍՅԱՆԸ
