Կանադայի վարչապետ Ջասթին Թրյուդոն քիչ առաջ պաշտոնական այցով ժամանեց Հայաստան։
Նա կմասնակցի Ֆրանկոֆոնիայի 17-րդ գագաթնաժողովին:
Ըստ կառավարության պաշտոնական կայքէջի, նախատեսվում է առանձնազրույց և հանդիպում վարչապետ Նիկոլ Փաշինյանի հետ: Ջասթին Թրյուդոն հանդիպումներ կունենա նաև նախագահ Արմեն Սարգսյանի և Ամենայն Հայոց Կաթողիկոս Գարեգին երկրորդի հետ: Ի պատիվ Կանադայի վարչապետի նախատեսվում է պաշտոնական ընթրիք Նիկոլ Փաշինյանի անունից։
Ջասթին Թրյուդոն կայցելի նաև Մեծ Եղեռնի զոհերի հուշահամալիր։





















































