Լրահոս
Օրվա լրահոսը

Վառվեցին Սևան քաղաքի գլխավոր տոնածառի լույսերը

Դեկտեմբեր 27,2018 13:17

Սևանի համայնքապետարանի վարչական շենքի հարակից հրապարակում կանգնած տոնածառը սպասում էր գլխավոր արարողակարգին, որը տեղի ունեցավ նախօրեին` երեխաների երգ ու պարի, Ձմեռ պապի բարեմաղթանքների ուղեկցությամբ:

Վառվեցին Սևան քաղաքի գլխավոր տոնածառի լույսերը և ամբողջացրին քաղաքի տոնական տրամադրությունը: Մինչ տոնածառի շուրջ Սևանի մշակութային կենտրոնի պարային համույթների սաների կատարումներն էին հաջորդում միմյանց, քիչ այն կողմ. «Սևան» երիտասարդական ակումբ» ՀԿ-ի երիտասարդները սևանցիներին հրավիրում էին ամանորյա տոնավաճառի` մեկ բաժակ թաք թեյի ընկերակցությամբ:

Դեկտեմբերի 26-ի երեկոն ջերմացել էր փոքրիկների ծիծաղից, բարձր տրամադրությունից, ինչպես նաև քաղաքի բազմագույն լույսերից, որոնք կզարդարեն մարդկանց տոնական օրերը` պարգևելով հաճելի ակնթարթներ:

Սևան համայնքի ղեկավար Սարգիս Մուրադյանը և համայնքապետարանի աշխատակազմը հոգացել են, որպեսզի նախատոնական և տոնական Սևանը լինի գեղեցիկ, լուսավոր և գրավիչ:

Ա.ՂՈՒԿԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2018
Երկ Երե Չոր Հնգ Ուրբ Շաբ Կիր
« Նոյ   Հուն »
 12
3456789
10111213141516
17181920212223
24252627282930
31