Սմբուկով եւ բրնձով այս փլավը ոչ միայն շատ համեղ է, այլեւ շատ յուրահատուկ համ եւ բույր ունի: Իսկ սմբուկը, չգիտես ինչու, սունկ է հիշեցնում:
Անհրաժեշտ մթերքները
Սմբուկ- 1 հատ
Գազար-1 հատ
Կարդացեք նաև
Կարմիր թարմ պղպեղ-1 հատ
Գլուխ սոխ-1 հատ
Սխտոր-2 պճեղ
Կոճապղպեղ- 2-3 սմ-անոց կտոր
Բրինձ- 1 բաժակ
Բուսական յուղ- 5 ճաշի գդալ
Թարմ կանաչի- մի քանի ճյուղ
Համեմունքներ- ըստ ճաշակի
Պատրաստման եղանակը
Բոլոր բանջարեղենները մաքրել, լավ լվանալ: Բրինձը նույնպես լվանալ: Բանջարեղենները կտրատել:
Թավան տաքացնել, լցնել բուսական յուղը: Սկզբում ավելացնել սոխը (եթե ունեք պրաս (лук порей), կարող եք մի կտոր էլ պրաս ավելացնել), գազարը, սխտորն ու կոճապղպեղը:
Մեկ-երկու րոպեից ավելացրեք մանրացրած սմբուկը: Սմբուկը կարող է կլանել ողջ բուսական յուղը, այդ դեպքում մի փոքր էլ բուսայուղ ավելացրեք: Սմբուկից հետո ավելացրեք թարմ կարմիր պղպեղը (եթե չունեք՝ պարտադիր չէ):
Ավելացրեք համեմունքները՝ կարմիր եւ սեւ աղացած պղպեղ, չորացրած կանաչիներ (օրինակ՝ չոր սամիթ), աղ, որից հետո՝ լվացած բրինձը:
Խառնեք, թողեք 1-2 րոպե տապակվի:
Ապա ավելացրեք եռման ջուր այնքան, որ ամբողջությամբ ծածկի բրինձը եւ բանջարեղենը եւ մեկ մատ էլ բարձր լինի:
Կափարիչով փակեք եւ շատ մարմանդ կրակով եփեք այնքան, մինչեւ ամբողջությամբ ջրքաշվի:
Ավելացրեք թարմ կանաչին եւ մատուցեք:
Բարի ախորժակ:
Պատրաստեց Մելանյա ԲԱՐՍԵՂՅԱՆԸ
