«Այդ առիթով մենք ստացել ենք համապատասխան հաղորդում, իրավական պատշաճ ընթացակարգերով այն կստուգվի։ Օրենքով սահմանված կարգով ընթացք կտան»,-Ծիծեռնակաբերդի հուշահամալիրում լրագրողների հետ զրույցում այսօր անդրադառնալով Գորիսի փոխքաղաքապետ Մենուա Հովսեփյանի հայտարարությանն այն մասին, որ Սյունիքում բողոքի ցույցերից հետո իրեն բերման ենթարկելու ընթացքում իրավապահները ոտքը դրել են իր գլխին եւ ստորացուցիչ վերաբերմունքի արժանացրել՝ ասաց ՀՀ հատուկ քննչական ծառայության պետ Սասուն Խաչատրյանը։
Լրագրողները հետաքրքրեցին՝ տեղյա՞կ է, թե ինչ խնդիր ունի այսօր սյունեցին՝ ապրելով թուրքի հարեւանությամբ։ «Այսօր այդ օրը չի»,-նախ նշեց Սասուն Խաչատրյանը ու հորդորեց քաղաքական հարցեր չտալ։
Լուիզա ՍՈՒՔԻԱՍՅԱՆ
