Մոսկվան ուշադիր հետևում է Հայաստանում և Ադրբեջանում երկու երկրների միջև խաղաղության պայմանագրի կնքման, Լեռնային Ղարաբաղի կարգավիճակի որոշման վերաբերյալ քննարկումներին: Այս մասին այսօր տեղի ունեցած ճեպազրույցում հայտարարել է Ռուսաստանի ԱԳՆ մամուլի խոսնակ Մարիա Զախարովան:
«Քաղաքական հարցերով սկզբունքային տարաձայնությունները, ցավոք, պահպանվում են: Հենց այդ պատճառով էլ այս փուլում առաջնահերթություն ենք համարում բարձագույն մակարդակով 2021թ. նոյեմբերի 9-ին և 2021թ. հունվարի 11-ին ձեռք բերված եռակողմ համաձայնությունների բոլոր դրույթների պարտադիր կատարումը»,- ասել է Զախարովան՝ շեշտելով, որ առաջին հերթին դա վերաբերում է հրադադարի ռեժիմի պահպանմանը, մարդասիրական հարցերին և տարածաշրջանում տրանսպորտային և տնտեսական կապերի ապաշրջափակմանը:
Զախարովան հույս է հայտնել, որ այդ քայլերը կօգնեն ստեղծելու պայմաններ հայ-ադրբեջանական հարաբերությունների կարգավորման և վերջնական քաղաքական կարգավորման հասնելու համար:
Անդրադառնալով Արցախում ռուս խաղաղապահ առաքելության գործունեությանը՝ Զախարովան նշել է, որ եռակողմ համաձայնագրի ստորագրումից հետո ռուս խաղաղապահների պատասխանատվության գոտում լուրջ խախտումներ չեն գրանցվել:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ