Վրաստանում նախատեսվում է ստեղծել հարթակ, որտեղ բանակցություններ կվարեն Հայաստանի և Ադրբեջանի ներկայացուցիչները: Այս մասին այսօր տեղի ունեցած ճեպազրույցում հայտարարել է Վրաստանի վարչապետ Իրակլի Ղարիբաշվիլին:
Նա նշել է, որ Թբիլիսին արդեն որպես միջնորդ հանդես է եկել Ադրբեջանի կողմից հայ ռազմագերիների և Լեռնային Ղարաբաղում ականապատ տարածքների քարտեզների փոխանակման գործում: Ղարիբաշվիլին կարծիք է հայտնել, որ Բաքվի և Երևանի միջև երկխոսությունը պետք է զարգացնել և դարձնել պարբերական:
«Այդ գործընթացն առավել բարձր մակարդակով շարունակելու համար մենք միջնորդություն ենք առաջարկում մեր եղբայրական պետություններին՝ հայ և ադրբեջանցի եղբայրներին այդ հարթակ միջոցով, որը պատրաստվում են ստեղծել Թբիլիսիում»,- ասել է Ղարիբաշվիլին՝ հավելելով, որ Վրաստանի իշխանությունները շահագրգռված են տարածաշրջանում խաղաղ իրավիճակի պահպանությամբ:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
