«Ուժեղ Հայաստան» դաշինքի նախընտրական ցուցակը գլխավորող Նարեկ Կարապետյանը ներկայացրել է, թե ինչ գործիքակազմով են աշխատում «Քաղաքացիական պայմանագիր» կուսակցությունն ու այս իշխանությունը։
«Ինչքա՜ն սուտ բաներ են իրենք կարողանում տարածել։ Ու անգամ չեն խորշում այդ սուտը տարածելու նպատակով օգտագործել պետության կողմից ֆինանսավորվող Հանրային հեռուստատեսությունը։
Իմ հետեւում մի նկար է, որտեղ Հանրային հեռուստատեսության եթերով գրված է, թե ընդդիմության վարչապետի միասնական թեկնածուն Քոչարյանն է։ Եվ նկարներ են Ռուսաստանի դրոշի ֆոնին։
Մեր ուժը օֆիցիալ հայտարարել է, որ ոչ մեկին՝ բացի Սամվել Կարապետյանից, մենք մեր քվեն չենք տալու։ Սամվել Կարապետյանը հայտարարել է, մյուս բոլոր ուժերը հայտարարել են, որ ընդդիմադիր առաջին ուժին են իրենց ձայնը տալու։ Այսինքն, այսօր բոլոր հարցումերով դա «Ուժեղ Հայաստանն» է։ Մենք ոչ մի դեպքում բացի Սամվել Կարապետյանից՝ ուրիշի ձայն չենք տալու։
Կարդացեք նաև
Բայց այս կեղծիքը օֆիցիալ տարածվում է Հանրային հեռուստատեսության եթերով։ Եվ չեն էլ ամաչում»,- ասաց Նարեկ Կարապետյանը։
«Սա էլ՝ երկրորդ կեղծիքը, որ Սամվել Կարապետյանի նկարն են օգտագործում։ Հանրային հեռուստատեսության եթերով։ «Սրտացավ Հայաստան» էջ կա, որի նկարը Սամվել Կարապետյանն է, մեր ուժի ներկայացուցիչներն են։ Բայց էլի այս էջը մեզ հետ կապ չունի։ Սա ՔՊ-ի կողմից սարքած էջ է, որտեղ գրված է՝ իբր Սամվել Կարապետյանն ասել է, թե պետք է ամեն գնով օգնել մեր դաշնակից Ռուսաստանին Ուկրաինայի դեմ պատերազմում։
Սամվել Կարապետյանը նման բան չի ասել։ Սա ՔՊ-ի սուտն է, կեղծ բան է, որը բազմաթիվ լրատվականներ տվել են, որ կեղծ է։ Այս էջն էլ իրենք են սարքել, որպեսզի սուտ տվյալներ տան։
Հայաստանը իր հարցերը չի լուծել, ինչ մնաց Ուկրաինայի հարցերը լուծի։ Այնպիսի վիճակի են բերել, որ հաստատ ուրիշ երկրի հարցերով զբաղվելու կարիք չկա»,- ասաց Նարեկ Կարապետյանը՝ իր խոսքերը հիմնավորելով կոնկրետ փաստեր ի ցույց դնելով։
Աշոտ ՀԱԿՈԲՅԱՆ
