«Կիբերհարձակում է եղել, ի՞նչ հանցագործության մասին հաղորդում, դա ուրիշ է»,- լրագրողների փաստմանը՝ երեկ ԱԺ-ում ԿԸՀ գործունեության հաշվետվության քննարկման ժամանակ հայտարարեց, որ հունիսի 7-ի խորհրդարանական ընտրությունների ձայների հաշվարկի ընթացքում ԿԸՀ-ի էլեկտրոնային համակարգը ենթարկվել է աննախադեպ կիբերհարձակման, և հարցին՝ հանցագործության մասին հաղորդում ներկայացրե՞լ է այդ մասին, խորհրդարանում լրագրողների հետ ճեպազրույցում այսպես պատասխանեց ԿԸՀ նախագահ Վահագն Հովակիմյանը։
Հարցին՝ ո՞ր երկրից է եղել հարձակումը, ի՞նչ սերվերներից, ԿԸՀ նախագահն ի պատասխան ասաց, որ չգիտի․ «Մայիսի 10-ից սկսած՝ ՀՀ-ի տարբեր համակարգեր պարբերաբար կիբերհարձակման են ենթարկվել։ Ես կիբերանվտանգության մասնագետ չեմ, կա մասնագիտացված կառույց։ Ես մանրամասները չգիտեմ․ դա Ներսես Երիցյանի գլխավորած կառույցն է»։
Լրագրողների հարցին՝ այդ հարձակումը կասկածի տակ չի՞ դնում ընտրությունների արդյունքները, Վահագն Հովակիմյանը պատասխանեց․ «Մեր ընտրությունների արդյունքները թղթային են, բոլոր մասնակից կուսակցությունները, դիտորդները կարող են ունենալ այդ արձանագրությունները, որը բոլորի ձեռքին կա։ Եթե հաջողվեր համակարգին վնաս տալ, օնլայն հրապարակումներն էին դադարելու։ Արդյունքները թղթային են։ ԿԸՀ-ում արձանագրությունների վերջին վերահաշվարկից հետո բոլորը կա, ավելին՝ մեզ մոտ դա թվայնացված էլ է»։
Տաթև ՀԱՐՈՒԹՅՈՒՆՅԱՆ
