![\"\"](\"https://www.aravot.am/2009/aravot_arm/April/14/p27.jpg\")
Կարմիր խաչի միջազգային կազմակերպությունը Animal Lifesaver պարգեւը հանձնել է Վիլլի թութակին: Այս պատվին թութակն արժանացել է երեխայի կյանք փրկելու համար:
Թութակի տիրուհին՝ Մեգան Հովարդը դայակ էր եւ խնամում էր մոտ երկու տարեկան երեխայի: Մի անգամ, երբ դայակը գտնվում էր այլ սենյակում, իսկ երեխան նախաճաշում էր, թութակը, որը մի քանի բառ գիտեր, տեսնելով խեղդվող երեխային, սկսում է ճչալ՝ մամա, baby: Աղմուկից վրա հասած դայակին հաջողվում է փրկել երեխայի կյանքը, սակայն նա գտնում է, որ իսկական հերոսը Վիլլին է:
Թութակի պարգեւատրման արարողությունը տեղի է ունեցել Դենվերում, ներկա են եղել քաղաքապետը եւ Կոլորադոյի նահանգապետը:
