Համաշխարհային տնտեսական ճգնաժամը հատկապես դեռահասների եւ երիտասարդների շրջանում կարող է հանգեցնել ինքնասպանությունների, դեպրեսիայի եւ սթրեսի դեպքերի աճի, ճարպակալման, օրգանիզմի աճի դանդաղեցման։ Նման կանխատեսում է անում Առողջապահության համաշխարհային կազմակերպությունը (ԱՀԿ): Ըստ նույն աղբյուրի, կավելանան թերսնուցման դեպքերը, միկրոէլեմենտների պակասի պառճառով՝ հղի կանանց եւ կերակրող մայրերի շրջանում սակավարյունության դեպքերը, կնվազի բուժօգնության դիմելիությունը, անցում կկատարվի ավելի էժան եւ ցածրորակ սննդի, կքայքայվեն ընտանիքներ: Ճգնաժամի պատճառով ծնունդների թիվը եւս կնվազի, իսկ մահացության դեպքերը կավելանան: ԱՀԿ-ն ահազանգում է նաեւ, որ բարձր եկամուտ ունեցող երկրներում սրտի հիվանդություններից մահացության դեպքերն արդեն իսկ աճել են 6,4%-ով, ցածր եկամուտ ունեցող երկրներում՝ 4 անգամ։ Հնարավոր է, որ ավելանան նաեւ վաղաժամ ծնունդների, մանկական հիվանդացության եւ մահացության դեպքերը։
