Մարտունիում ավարտվեց շախմատի «Սեւանա լիճ» միջազգային մրցաշարը, որին մասնակցում էին Հայաստանի, Հունգարիայի, Բելառուսի, Չինաստանի, Ռուսաստանի եւ Ղազախստանի 10 շախմատիստներ:
Ինը հնարավորից վաստակելով 7,0 միավոր՝ հայաստանցի գրոսմայստեր Արման Փաշիկյանը ճանաչվեց միանձնյա հաղթող: Նրանից կես քայլ ետ մնաց երկրորդ տեղը գրաված հունգարացի Ֆերենց Բերքեշը: Սերգեյ Ժիգալկոն (Բելառուս) եւ Սամվել Տեր-Սահակյանը 5,0-ական միավորով բաժանեցին 3-րդ տեղը: